Arestado ang isa ka lalaki sa ginpatigayon nga drug-buy operation sa Barangay Tanza Sur, Panay, Capiz.
Ang arestado amo si alyas “Borjok,” 27-anyos, street level individual, residente sang Barangay Bato sang amo nga banwa.
Sa interview sang Bombo Radyo kay Police Captain Eric Deocampo, Officer-in-Charge sang Panay Municipal Police Station, iya ginpahayag nga narecover sa subject person ang duha transparent ka plastic sachet sang suspected shabu nga may kabug-aton sang lima ka gramos nga may Standard Drug Price nga ₱ 34,000.
Suno kay Deocampo, madugay na nga ginamonitor ang arestado antis natigatigayon ang madinalag-on nga operasyon.
Sa subong preso na ini sa Panay Municipal Police Station kag magapangatubang sa kaso nga paglapas sa Republic Act 9165 ukon Comprehensive Dangerous Drugs Act of 2002.
