PANAY CAPIZ – Dakop ang isa ka lalaki nga ginakabig Street Level Individual (SLI) sa ginkasa nga drug buy bust operation sa Barangay Pawa, Panay, Capiz.
Ginkilala ang nadakpan kay alyas “Steph”, kag residente sang Barangay Bonga sa amo nga banwa.
Sa interview sang Bombo Radyo sa hepe sang Panay Municipal Police Station nga si PCPT. Ronald Ton ogan, ginapahayag nga madugay na nila nga ginamonitor ang nadakpan.
Mahibaluan nga natigayon ini nga madakpan pinaagi sa isa ka pulis nga nagpakuno-kuno pusuer buyer.
Narekober sa arestado ang pito (7) tanan ka sachets sang ginapatihan shabu nga may kabug-aton nga mas o menus 25 gramos kag may Standard Drug Price nga P204, 000.
Kaso nga paglapas sa RA 9165 ukon Comprehensive Dangerous Drugs Act of 2002 ang paga-atubangon sang nasambit nga nadakpan.
Sa karun, yara na ini sa paghinakop sang Panay MPS para sa nagakaigo nga disposisyon.
