PANITAN CAPIZ – Dakop ang ginakabig Street Level Individual (SLI), matapos ang ginkasa nga Drug Buybust Operation sa Poblacion Ilaya, Panitan Capiz.
Sa interview sang Bombo Radyo Roxas sa imbestigador sang Panitan Municipal Police Station nga si PSSG. Jobel Lumampao, ginpahayag nga ginkilala ang nadakpan kay alyas “Jomar”, 42-anyos, kag residente sang Barangay Cadio sa nasambit nga banwa.
Suno kay Lumampao, natigayon nga madakpan ang nasambit nga persona pinaagi sa isa ka police nga nagpakuno-kuno posuer buyer.
Nakuha sa nadakpan ang 5 tanan ka sachets sang ginaalegar shabu nga may kabug-aton tatlo ka gramos kag may Standard Drug Price nga P20, 400.00, P1,500.00 nga buybust money kag mga drug paraphernalia’s.
Kaso nga paglapas sa RA 9165 ukon Comprehensive Dangerous Drugs Act of 2002 ang paga-atubangon sang nadakpan.
Sa karun nagapabilin ini sa kustodiya sang Panitan MPS, para sa nagakaigo nga disposisyon.
