ROXAS CITY – Patay ang 45 anyos nga ginang matapos bumunggo ang ginasakyan sini nga motorsiklo sa ginasundan nga motorsiklo sa Barangay Sta. Fe, Pilar, Capiz.
Ginkilala ang biktima kay Cherry Morines, residente sang Barangay Casanayan, sang nasambit man nga banwa.
Sa interview sang Bombo Radyo kay Police Captain Alfred De Leon, chief of police sang Pilar Municipal Police Station, ginpahayag sini nga gikan sa banwa sang Balasan, Iloilo ang biktima kag nakaangkas sa motorsiklo nga ginamaneho ni Emilio Villanueva, residente sang Barangay Casanayan, Pilar.
Samtang ginasubay ang nasambit nga lugar, hinali na lamang nga nagliko ang ginasundan sang mga ini nga motorsiklo nga ginamaneho naman ni Richie Morales sang Barangay San Ramon, Pilar agud kuhaon kuntani ang nahulog sini nga panyo rason nga nabungguan ini sang ginamaneho nga motorsiklo ni Villanueva.
Bangud sa pagkabunggo, tumampilak sa dalan si Morines kag nalampos ang ulo sini sa semento.
Gindala pa sa ospital ang biktima apang gindeklarar nga dead on arrival.
