Ginmando ni Bureau of Customs (BoC) Commissioner Bienvenido Rubio ang imbestigasyon sa ginapahayag recycling kag resale sang mga nakumpiskar nga vape products.
Kaangut sini, ginmanduan naman ni Rubio ang Intelligence Group sa pagpanguna ni Deputy Commissioner Juvymax Uy nga nagtukod sang isa ka komprehensibo nga fact-finding investigation angut diri.
Mahibaluan nga pagasuguran ang imbestigasyon may kaangtanan sa ginapatigayon nga operasyon sang damlag lang kun sa diin madamo ang nakumpirkar nga vape products nga ginbutang sa idalum sang ‘safekeeping order’.
Isa sa mga tinutuyo sang nasambit nga direktiba, ang tumuron ang posible nga may kaangtanan ukon pagkaulamid sang mga personalidad sang Bureau of Customs kun sa diin hibaluon ang posibilidad nga administrative kag criminal liabilities sa mga posible nga maulamid nga indibidwal.
Kaangut sini, namanduan naman ang Intelligence Group nga magsumite sang weekly reports kag mga detalyado nga fact-finding report sa sulod sang 30 diyas.
Samtang, ginsiguro naman Rubio nga nagapabilin nga secured ang mga peke ukon counterfeit products nga nakumpiskar sa Binondo, Manila.
