ROXAS CITY – Ginapabalik sa principal sang President Manuel Roxas Memorial Integrated School-South ang ginsukot nga tig P60.00 nga kantidad para sa qualifying exam sang mga Grade 1 pupils nga luyag makasulod sa special class sang amo nga buluthuan.
Matapos naghinun-anon sanday Dr. Feliza Beriong, schools division superintendent sang Roxas City DepEd division kag Dr. Nerissa Resente, Chief Education Supervisor, gilayon ginmanduan ang principal nga si Mrs. Virginia Alaban nga ibalik sa mga natungdan ang ila ginbayad nga tag 60.00.
Ginapanindugan sang mga opisyal sang Roxas City DepEd Divison nga wala sang dapat kolektahon nga anuman nga balayaran karon nga opening of classes, bangud istrikto ang ginapatuman ang ‘’ No Collection Policy’’ sang ahensiya.
