Pila ka mga dalagku nga airline companies sa Estados Unidos ang nagaplano nga kanselahon ang ginatos ka mga flights, sandig sa direktiba sang Federal Aviation Administration (FAA) nga limitahan ang operasyon sa 40 ka mga major airports sa pungsod bangud sa nagapadayon nga shutdown sang gobyerno.
Base sa pahayag sang tatlo ka major airlines, magabuhin sila sang flights umpisa subong nga adlaw.
Ang American Airlines magabuhin sang indi magnubo sa 220 ka mga flights, ang United Airlines magabuhin sang 200 ka mga flights kada adlaw, samtang ang Delta Airlines magabuhin sang 170 ka mga flights.
Ginklaro sang mga kumpaniya nga ang mga ginkanselar nga flights amo ang mga wala ginalauman nga makahatag sang daku nga epekto sa mga pasahero.
Ginakabig ini nga pinakadaku nga delay sa operasyon sang air travel halin sang nagsugod ang shutdown sang gobyerno masobra isa ka bulan na ang nakaligad, sa diin ang mga airports ang naga-eksperyensya sang kakulang sang staff.
Samtang, ang mga airlines nga indi magsunod sa emergency order sang Federal Aviation Administration angut sa pagnubo sang flights ang pagamultahan sang indi magnubo sa $75,000 kada flight suno sa mandu sang Federal Aviation Administration.
