Arestado ang isa ka ginakabig High Value Individual (HVI) sa ginpatigayon nga drug buy-bust operation sa Brgy. Lawaan, Roxas City, Capiz.
Ang subject person amo si alyas Papanort, 37-anyos kag residente sang Brgy. Swa, President Roxas, Capiz.
Ang operasyon ginpatigayon sang Capiz Police Provincial Drug Enforcement Unit, kaupod ang Roxas City Police Station kag Philippine Drug Enforcement Agency Region 6–Capiz Provincial Office.
Nakuha sa subject person ang 12 ka sachet sang ginapatihan shabu nga may kabug-aton nga 60 gramos kag may Standard Drug Price nga P408,000.
Nahibaluan nga dati na nga nadakpan sa pareho nga kaso may kaangtanan sa iligal nga droga ang nasambit nga subject person.
Samtang, ginatudlo man si alyas Papanort nga supplier sang isa ka SK Chairperson nga nadakpan sa buy-bust operation sa Sara, Iloilo sang damlag lang, kun sa diin nakuha ang ginabanta masobra P2 milyon nga balor sang ginapatihan nga shabu.
Sa subong, yara na sa istasyon ang Roxas Component City Plice Station ang subject person samtang ginahanda ang pagsaka sang kaso batuk sa iya bangud sa paglapas sang Republic Act No. 9165 ukon ang Comprehensive Dangerous Drugs Act of 2002.
