Gintambakan sang Barangay Ginebra ang Rain or Shine sa score nga 120-92 sa nagapadayon nga PBA 49th Season Commissioner Cup.
Bangud sini, sulod na ang Ginebra para sa playoffs sa hampang nga ginhiwat sa Ynares Center.
Sa umpisa sang hampang, nag-arangkada gilayon ang Ginebra kun sa diin wala na nila ginpaabanse pa ang Elasto Painters.
Yara sa pang-anom nga puwesto ang Ginebra nga pito ka daog kag apat ka piyerde samtang ang Rain or Shine ang may anom ka daog kag apat nga piyerde nga yara sa pangpito nga puwesto.
Nagpanguna sa kadalag-an sang Ginebra si Justin Brownlee nga nakapagkit sang 29 points, 13 rebounds kag anom nga assists samtang may 22 points, anom nga rebounds kag walo nga assists si Scottie Thompson kag 14 points walo nga rebounds naman ang nahimo ni Troy Rosario.
Wala naman nagsalir ang 23 points kag 15 rebounds ni Deon Thompson kag 14 points ni Anton Asistio para sa Rain or Shine.
