Ginpatilaw sang Barangay Ginebra sang beterano nga abilidad sa paghampang ang Meralco Bolts sa score nga 91-87 sa ulihi nga hampang sang eliminations sang PBA 49th Season Commissioner’s Cup sa Araneta Coliseum.
May ara na sang walo nga daog kag apat nga piyerde ang Gins kun sa diin patas na sila sang Converge sa ikatatlo nga puwesto.
Samtang ang Bolts ang may pito ka daog kag apat nga piyerde kun sa diin may ara pa sila sang isa ka hampang batuk sa Magnolia sa adlaw sang Biyernes.
Nagpanguna sa kadalag-an sang Ginebra si RJ Abarrientos nga nagpagkit sang 17 points samtang may 15 points si Justin Brownlee kag 13 points si Stephen Holt.
Nangin daku naman nga pagpanghangkat sa Bolts ang hampang bangud sa indi paghampang sang ila nga import nga si Akil Mitchell bangud sa back spasm.
Gin-ako naman ni Ginebra coach Tim Cone nga nagapreparar na ang iya team para sa playoffs. Wala naman nagsalir ang nahimo nga 15 points ni CJ Cansino kag 13 points, 13 rebounds ni Raymond Almazan para sa Bolts.
