Ginhilway na sa karsel ang isa ka babayi nga nadakpan sa entrapment operation sang National Bureau of Investigation (NBI) Capiz sa Pueblo de Panay, Roxas City sang damlag lang.
Matandaan nga ginkilala ang nadakpan kay alyas “Didith” samtang ang biktima ang ginkilala naman kay alyas “Shey”.
Mahibaluan nga si alyas “Didith” kag “Shey ang mag-abyan kag nagsugod ang wala pag-intindihanay sang mga ini matapos nga nag-utang ang biktima sa suspek sang masobra P400,000 nga dapat mabayaran sadtong Agusto 5, 2024.
Bangud wala makabayad ang biktima sa gintalana nga petsa, diri na ginpahog sang suspek nga ipalapta ang iya sex video nga una na nga naglapta sadtong 2022.
Kaso nga “Grave Threats” kag “Extortion” in relation to R.A 10175 ukon “Cybercrime Prevention Act of 2012″, apang nakapyansa ini sang balor nga P100,000.00 para sa temporaryo sini nga kahilwayan.
