Gamiton bilang eskwelahan kag government buildings ang mga pasilidad sang ginsalakay nga POGO hubs sa Bamban, Tarlac kag Porac, Pampanga sa tion nga maturn-over na ini sa gobyerno.
Suno kay Presidential Anti-Organized Crime Commission (PAOCC) executive director USec. Gilbert Cruz, nakig-angut na sila sa Department of the Interior and Local Government (DILG) kag Inter-Agency Task force para matun-an ang mga opsyon para ma-convert ang nasambit nga POGO hubs bilang mga eskwelahan kag buildings sang gobyerno.
Sa karon, nagapa-idalum pa sa civil and criminal forfeiture cases ang nasambit nga mga POGO hub.
Ginkahalimbawa pa sang opisyal ang isa pa ka ginsalakay nga POGO hub sa Pasay city nga napuslan sa karun bilang presohan kag rescue center sang DSWD.
