Ginsiguro sang gobyerno sang Pilipinas nga padayon nila nga ginapakamaayo ang mga tikang agud mapabaskog ang labor market sang pungsod.
Suno sa National Economic and Development Authority, kalakip sa ila plano ang mapadamo ang numero sang mga disente kag dekalidad nga trabaho para sa tagsa ka mga Pilipino.
Ginhimo sang ahensya ang pahayag matapos nga ginpaguwa sang Philippine National Statistics ang datos kun sa diin padayon nga naganubo ang ‘unemployment’ rate ukon numero sang mga wala sang trabaho.
Ini ang kabaylo sang 3.9% nga pagnubo nga kun sa diin, nabalhag sa ikatatlo nga quarter sini nga tuig.
Suno kay NEDA Secretary Arsenio Balisacan, kalakip sa ila nga pagapokusan amo ang pagpabaskog sa sektor sang connectivity, telecommunications, energy, kag tubig agud makabuo sang mas madamo nga trabaho.
Nagalaum man ang opisyal nga magahatag sang dugang nga revenue sa Pilipinas ang bag-o nga Corporate Recovery and Tax Incentives for Enterprises to Maximize Opportunities for Reinvigorating the Economy (CREATE MORE) Act.
