Isa ka pulis sa Argentina ang nagdaog sa kaso batuk sa Google matapos siya nga ma-capture nga nakahublas sa kauglaingon sini nga balay kag na-publish ini sa Google Street View sang 2017.
Apisar nga naka-blur ang iya itsura, maki-an ang address sang iya nga balay gani nahuy-an ini sa komunidad.
Una na nga ginbasura ang iya nga reklamo, apang sa iya apela, ginpaboran siya sang mas mataas nga korte.
Suno sa desisyon, ginlapas sang Google ang iya nga privacy kag ginguba ang iya nga dignidad, kag indi bastante ang depensa sang Google nga manubo lang ang kudal sang balay sang biktima.
Bangud sini, ginmanduan sang korte ang Google nga magbayad sang 16 million Argentine pesos ukon katumbas sang P700,000 bilang danyos.
Ang desisyon, ginakabig nga kadalag-an para sa privacy sang indibidwal batuk sa dalagkuan nga tech companies.
