Ini ang ginpahayag ni Board Member Jonathan “Sonny” Besa sang mainterview sang Bombo Radyo.
Suno diri, una nila nga ginbisita kaupod si Vice Governor Mitang Magbanua kag BM Thea Faith ang RMPH Lanot kun sa diin ila gintsekyar ang estado sang ospital amu man ang mga nagatrabaho.
Masunod nila nga ginkadtuan ang CRC kag ginlantaw ang sitwasyon sang mga PDL’s bangud suno diri, apisar yara ang mga ini sa presohan ginakonsiderar ini nila sa gihapon nga mga pumuluyo sang probinsya kag nagakadapat nga indi maling-an ang ila mga una nga kinahanglanon.
Dugang ni Besa, ginsiling ni Gov. Castro nga magabalik sila sa masunod nga inadlaw dala ang pila ka mga doctor kag nurses agud mapalantaw ang ikaayong lawas sang PDL’s.
Sa masunod nga semana ginpahayag nga madeterminar nila ang mga proposed annual program activities nga ipasulod sa 2022 annual investment plan kag kun sarang pa ang pondo, plano sang gobernador nga magpatindog sang dugang nga pasilidad ukon rehabilitation center bangud man sa nagagutok ang mga preso sa mga selda.
Ginpalab-ot man ni Gov. Castro suno diri sa PDL’s nga maghimo sang sulat nga ihatag sa iya pinaagi sa ila pamilya agud mahibaluan niya ang mga reklamo sini sa CRC kag kinahanglanon nga pwede niya mabulig.
