ROXAS CITY – Kumpiyansa si Governor elect kag second district Congressman Fredenil ‘Oto’ Castro nga magadaug ini sa pagka-gobernador sa probinsya sang Capiz.
Sa interview sang Bombo Radyo kay Castro, ginsiling sini nga naglakot ang pagsalig kag pagpanghangkat nga bag-uhon ang Capiz, rason nga nagtulod sa iya nga magpadalagan sa pagka-gobernador.
Madamo man ini sang ginaplano nga pagbag-o sa probinsya indi lamang sa mga istraktura kundi pati man sa disiplina kag pamatasan, ilabi na sang mga nagaserbe sa kapitolyo.
Nagapati man ini nga kun mag-ululupod ang mga pumuluyo sang Capiz, mangin maayo kag madinalag-on ang probinsya kag mabawi ang mga nadula nga paniyempo, nga kuntani malayo na ang nadangatan sang Capiz.
Nagpasalamat man ini sa mga pumuluyo kag nagalaum nga paga-updan siya sang bug-os nga Capiznon sa tinutuyo sini nga pagbag-o sa probinsya.
