Magapatigayon sang sinapol ang gobernador sang probinsiya kaupod ang League of the Municipalities (LMP) Capiz chapter para ma-estoryahan ang ila plano sa mangin quarantine status sang nasakupan nga banwa.
Ginpahayag ni Governor Esteban Evan Contreras II nga indi sini luyag pangunahan ang mga alkalde sa kabanwahanan pag-abot sa re-classification sang quarantine status sa ila lugar bangud may mga banwa nga gamay lamang ang kaso sang COVID-19.
SI Mayor Leodegario ‘’Jun’’ Labao Jr., lamang sang Mambusao ang nagpalab-ot sang interes nga ipaidalum sa Modified Enhanced Community Quarantine (MECQ) ang ila banwa bangud sa pagdamo sang kaso sang COVID-19.
Ginakunsidera man ni Governor Contreras nga ipaidalum na sa MECQ ang probinsiya, apang indi amo sini kahapos bangud kinahanglan mag-agi sa proseso kag may balasehan nga sa pagtsekyar sang Regional Inter Agency Task Force (RIATF) gilayon man ini nga maaprubahan sang National Inter Agency Task Force (NIATF).
Ginpahayag pa sang amay sang probinsiya nga isa lamang ang datus sang COVID-19 sa mangin balasehan kag rekisitos para maaprubahan ang request nga re-classification sang quarantine status sa MECQ.
Dapat man nga preparahan ang socio economic impact nga mangin epekto sini bangud madamo ang madulaan sang trabaho kag magasarado nga establisemento.
Kinahanglan man nga suportahan kag mahatagan sang ayuda sang isa ka LGU nga ginpaidalum sa MECQ ang pumuluyo sang ila lugar.
Nahibaluan man nga indi na halos maakomodar sang Roxas Memorial Provincial Hospital (RMPH) ang mga COVID-19 patients bangud sa pagtaas sang kaso.
Indi man lipod sa gobernador nga nakapoy na ang mga frontliners nga nagatatap sa mga pasyente nga may COVID-19. Samtang gin-athag sang gobernador ang Executive Order nga ginrequest sa RIATF bilang suporta sa ginahinyo sang alkalde sang syudad nga ipaidalum sa MECQ ang Roxas City agud maaprubahan nasambit nga request
