Naghilibion sa sakit ang isa ka Grade 6 student bangud sa pagkuga sa iya sang iya man lang nga classmate sa sulod sang classroom sa Bugasong, Antique.
Ang video ang kuha sa sulod sang classroom samtang wala ang ila manunudlo sa diin nagahibi ang biktima samtang ginakuga sang iya classmate.
Gilayon naman nga ginpa-untat sang iban pa nga mga estudyante ang bata nga nangkuga.
Suno sa iloy sang ginsakit nga estudyante, ginbasol ang iya anak nga amo ang nagsipa sa classmate sini nga nangkuga.
Na-dislocate ang Nawala nga siko sang biktima nga estudyante kag naka-confine sa ospital kag kinahanglan operahan.
Nagpalab-ot naman sang financial assistance ang eskwelahan para sa naospital nga estudyante.
Padayon naman ang imbestigasyon sang kapulisan sa insidente.
Ginapapasa naman sang report ang principal kag district supervisor sang Bugasong kag DepEd Schools Division Office.
