Ginpakamalaut sang grupo nga Alyansa ng Bantay sa Kapayapaan at Demokrasya si Davao City Rep. Paolo “Pulong” Duterte bangud sa ginapahayag malain nga komento sini batok sa Armed Forces of the Philippines (AFP) kag Philippine Coast Guard (PCG).
Suno sa grupo, ang pagduda ni Duterte sa patriotismo sang mga soldado kay myembro sang coast guard nga wala sang mabakod nga ebidensya ang isa ka insulto sa mga Pilipino nga nagapangalagad para sa pungsod.
Madumduman nga ginkwestyon sang kongresista ang AFP matapos nga gin-ako ni General Romeo Brawner Jr. nga sarang lab-uton sang US missile system ang China, nga ginpatawag ni Duterte bilang “pagpakita para sa Amerika.”
Kasunod sini, ginsabat siya ni PCG spokesperson Commodore Jay Tarriela nga nagasiling “divisive noise” lamang ang mga pahayag ni Duterte.
Pahayag sang grupo, ang kasubong nga mga palabtik ang nagaguba sa paghiliusa sang mga pumuluyo, ilabi na sa panahon nga may padayon nga pamahog sa soberanya sang Pilipinas. Gindayaw man nila ang AFP kag PCG sa ila nga propesyonalismo kag dedikasyon sa tunga sang mga kontrobersiya.
