Nakahanda ang grupo sang mga abogado nga yara sa likod sang ikatatlo nga impeachment complaint batuk kay Vice President Sara Duterte nga magpakig-angut sa iban pa nga grupo agud istoryahan ang ila reklamo batuk sa bise presidente.
Suno kay Amando Virgilio Ligutan, apisar nga indi sini kilala ang mga miyembro sang iban pa nga grupo, handa ini nga magpakig-angut sa ila agud talakayon ang reklamo sang mga ini.
Dugang pa sini, bangud sa magkapareho ang ginatuyo sang mga ini, nakahanda sila nga magpakig-angut kag mag-istorya sa iban pa nga grupo. Apisar separado ang ila gin-file nga reklamo, pareho lamang ang ginatuyo sang mga ini.
Si Atty. Ligutan ang naga-represent sa grupo sang mga abogado kag mga pari nga yara sa likod sang ikatatlo nga complaint.
Ginakalakipan ini nanday Fr. Antonio Labiao kag Fr. Joel Saballa ng Diocese of Novaliches, Carmelite priests Rico Ponce, Dionisio Ramos, kag Esmeraldo Reforeal; Fr. Daniel Pilario sang Congregation of the Mission, kag iban pa.
Una na nga ginrekomendar ni ACT Teachers Rep. France Castro ang pagpulong ukon pag-istorya sang tatlo ka grupo nga nag-file sang tatlo ka separado nga reklamo agud talakayon ang mga ini.
Si Castro ang kabahin sang Makabayan bloc nga nag-endorso sa ikaduha nga impeachment complaint batuk kay VP Sara.
