Apisar nag wala magpabor sa ginalauman, ginarespeto suno ni Golden State Warriors head coach Steve Kerr ang resulta sang 2024 US Presidential Elections.
Matandaan nga isa si Steve Kerr sa mga masugid nga nagasuporta kay Democratic presidential candidate, VP Kamala Harris.
Suno kay Kerr, nagapati siya sa demokrasya.
Bangud sa nagtingog na ang mga pumuluyo sang US, wala siya sang iban pa nga handum kundi ang magmadinalag-on si Trump sa masunod nga apat ka tuig.
Pahayag sang batikan nga coach, luyag niya nga magmadinalag-on ang US rason nga luyag niya nga mangin madinalag-on ang pagpamuno ni Trump.
Sa tunga suno sang nagkalain-lain nga panghitabo kasubong sang mga giyera sa iban nga pungsod, pagtilaw sa global economy, kag iban pa, nagalaum si Kerr nga makadul-ong si Trump sang manami nga serbisyo sa mga pumuluyo.
Sa pag-endorso ni Kerr kay Harris duha ka bulan na ang nakaligad, ginpahayag sini nga ginaangkon sang ikaduha nga presidente ang tanan nga kina-iya nga dapat may yara ang isa ka lider kasubong sang integridad, katapatan, integridad, kag pagpalangga sa mga pumuluyo.
