Nagalala pa ang gutom sa Gaza bangud sa padayon nga pagpugong sa humanitarian aid, lakip na ang pagkaon bangud sang blockade.
Ang 2.1 million nga populasyon sang Gaza ang nakabatyag sang tuman nga kakulangan sa pagkaon, sa diin halos tunga sa million ang yara sa kritikal nga kahimtangan sang gutom, malnutrisyon, balatian, kag kamatayon.
Suno sa pinakabag-o nga pagpanalawsaw sang Integrated Food Security Phase Classification (IPC), 3/4 sang populasyon sang Gaza ang “Emergency” ukon “Catastrophic” nga lebel sang kakulangan sang bastante nga nutrisyon.
Nagsugod ang blockade sadtong Marso 2, 2025, sa diin 57 na ka bata ang na-report nga napatay bangud sa epekto sang malnutrisyon, kag ginalauman nga magataas pa ang numero sini.
Nagapanawagan ang World Health Organization (WHO) sang bulig, pagtapos sang blockade, kag proteksyon sa ikaayong lawas agud malikawan ang nagalala nga krisis sa Gaza.
