CAPIZ – Daku nga bulig nga makabig pananglitan madayon ang hagna sang Land Transportation Franchising and Regulatory Board (LTFRB) may kaangtanan sa pagdugang sang pagsuluktan sang plete sa mga pampasahero nga mga jeep.
Sa pagpakig-angut sang Bombo Radyo kay Mr. Errol Garbosa, isa ka jeepney driver nga may byahe Jamindan-Roxas City vice versa ginpahayag sini nga daku ini nga bulig para sa ila nga mga jeepney operators pananglitan nga madayon ang hagna sang ahensya bangud nagataas man ang presyo sang gatong.
Suno kay Garbosa, bilang mga operators nagasunod lamang sila sa layi nga ginapatuman sang gobyerno.
Mahibaluan nga sa karon ang regular ukon minimum fare rate sa ila nga mga jeepneys ang yara sa P15.00 tubtob P30.00 depende sa rota sang ila nga byahe.
Pahayag man sang operator nga kuntani hatagan na ini sang pagtamod sang gobyerno kag gilayon nga repasuhon.
