Nasabat sang Bureau of Customs (BOC) ang yara sa P1.94 bilyon sang mga dried tabacco kag pila pa ka mga peke nga items sa duha ka warehouse sa Guiguinto sa probinsiya sang Bulacan.
Base sa ginpaguwa nga report sang BOC, una nila nga gin-raid ang una nga warehouse sang nakaligad nga Miyerkules kun sa diin nakakuha sila sang nagabalor nga P1.25 bilyon smuggled items.
Ang mga smuggled items ang ginakalakipan sang mga bayo, sapatos kag pila pa ka mga branded nga bags kag mga gadgets.
Samtang, sa isa pa ka warehouse nga siya naman nga ginsulod sang Biyernes, November 8, 2024 nga yara sa P694.4 milyon nga balor sang dried tabacco kag mga cigarette filter rods ang nakumpiskar.
Ginhatagan naman sang 15 adlaw ang mga operator kag tag-iya sang mga ginpangsulod nga warehouse para makasumite sang mga nagakaigo nga mga dokumento nga nagapamatuod sa legitemacy sang mga nasambit nga mga items kag tama ang buwis nga nabayaran sang mga ini.
