Ginhingyo sang Hamas nga ilakip sa listahan sang mga ihilway sang Israel sanday Marwan Barghouti kag Ahmad Saadat, bilang kabahin sang ceasefire deal nga magaresulta man sa pagpahilway sang 20 ka mga Israeli hostages.
Ini matapos ginpaguwa sang Israel ang listahan sang 250 ka mga Palestinian prisoners nga ihilway, apang wala ginlakip ang pito sa mga bantog nga preso. Suno sa Hamas, mahimo nga maapektuhan ang kasugtanan sa wala paglakip sa duha ka lider.
Nahibaluan nga si Barghouti ang myembro sang Fatah kag ginkilala nga posible tal-os kay Palestinian President Mahmoud Abbas. Si Saadat naman ang lider sang Popular Front for the Liberation of Palestine (PFLP) nga nasentensyahan sang 30 ka tuig nga pagkapreso bangud sa mga atake sa Israel.
Samtang, ginalauman ang pagsulod sang ginatos nga aid trucks adalw-adlaw para sa mga sibilyan.
