Ginkilala bilang pinaka ‘most polluted city’ sa kalibutan ang Hanoi, Vietnam.
Ini matapos mapagkit sa lugar ang 266 micrograms per cubic meter kung sa diin ginkilala bilang hazardous nga katergorya.
Isa ka rason nga nakit-an sang mga eksperto kung ngaman mataas ang prolusion sa Hano bangud sa mabug-at nga trapiko, pagsunog sang mga basura, kag iban pa nga aktibidad nga ginakalakipan sang mga regional manufacturing hub sa syudad.
Ginakahangawa naman sang mga otoridad ang padayon nga naeksperyensya sang madamo nga residente ang problema sa pagginhawa samtang apektado man ang panan-awan sang mga kabataan kag ikaayong lawas sang kadam-an.
Agud masolusyunan ang krisis nga naeksperyensyahan sa Vietnam, ginhatagan sang pagtamod ni Deputy Prime Minister Tran Hong Ha ang kinahanglanon nga madasig nga pagsaylo
sa mga electric vehicle (EV) sa Hanoi.
Bilang kabahin sang solusyon, tinutuyo sang syudad nga mag-angkon sang indi magnubo sa 50% sang mga bus kag 100% sang mga taxi ang naga-operate gamit ang kuryente sa pag-abot sang 2030.
