Sulod na sa NBA CUP Semifinals ang Atlanta Hawks matapos sini nga lutuson ang New York Knicks sa quarter-finals round, sa iskor nga 110 – 108.
Ginpangunahan ni Trae Young ang opensa sang Hawks pinaagi sa iya nga 11 assists kag 22 points.
Nangin agresibo naman sa depensa sanday Jalen Johnson kag Clint Capela kag nagkamada sang gin-combine nga 28 rebounds.
Ginpangunahan man ni De’Andre Hunter ang bench sang Hawks kag ginsulod ang walo gikan sa 15 ka ginbuy-an nga shots, rason para ibulsa ang 24 points.
Nakuha sang Hawks ang kadalag-an sa pihak pa sang monster double-double ni Knicks bigman Karl-Anthony Towns nga naghimo sang 19 points kag 19 rebounds.
Bangud sa kadalag-an, magaabanse na ang Hawks sa Eastern Conference NBA Cup Semifinals kag makaatubang ang nagahulat nga Milwaukee Bucks.
Pagahiwaton ang hampang sa tunga sang duha sa Sabado, Disyembre 14, oras sa US.
