Nagpangayo sang sorry ang head coach sang Ateneo Blue Eagles nga si Tab Baldwin sa pamilya sang mga napatay nga student-athletes nga sanday Rene Baterbonia kag Divine Adili kasunod sang trahedya nga nagluntad sa training run sang team.
Suno kay Baldwin, abi nila safe kag normal ang aktibidad sa manabaw nga bahin sang dagat, apang sang ulihi nahibaluan nga yara sa katalagman ang pila ka mga humalampang.
Dugang pa niya, ginhimo nila ang tanan agud maluwas kag mapabalik ang bug-os nga grupo nga hilway sa baybayon.
Apang nangin trahedya ang insidente matapos napatay sanday Baterbonia kag Adili, kon sa din ginpahayag sini nga tuman ang iya kasubo kag napaslawan siya bilang lider kag coach sang team.
Padayon man ang iya pagpangamuyo para sa kalinong kag pag-ayo para sa mga namatyan nga pamilya sang duha ka atleta.
