Duha ka beses na nga nag-try ang aktres kag fashion icon nga si Heart Evangelista sang surrogacy kag gin-ako sini nga pinakamabudlay ini nga hitabo sa iya kabuhi.
Suno kay Heart, mabudlay kag komplikado ang proseso sang egg freezing bangud sa madamo nga mga bulong nga iya gin-inom.
Sa pihak sini, apat lang ka mga egg cells ang nakuha sa diin duha ang wala matigayon nga mahimo kag duha ang una nga nakaluwas—isa ka lalaki kag isa ka babayi.
Ginpangalanan pa niya ang mga ini nga Franciscko kag Ameera. Apang wala man nakaluwas si Ameera.
Nagdesisyon sa gihapon ang iya bana nga si Senador Chiz Escudero nga ipadayon ang surrogacy para sa ila anak nga lalaki. Sa apat ka bulan, may yara na sang heartbeat ang bata, gani nalipay na ang duha kag nagbakal na gani sila sang mga gamit.
Apang , masubo naman nga ginpakigbahin sang aktres nga wala man magdugay si Franciscko kag nadula man ini sa ila.
Gin-ako sang aktres nga tuman gid ang kasakit nga iya nabatyagan.
Sa pihak sang tanan nga naagyan sa kabuhi, malipayon si Heart sa iya papel bilang iloy sa kapid nga anak sang iya bana nga sanday Joaquin kag Cecilia, nga ginakabig niya nga iya kaugalingon nga kabataan.
