Ginkumpirmar sang aktres nga si Heaven Peralejo nga nagbulagay na sila sang aktor nga si Marco Gallo.
Sa isa ka interbyu, si Heaven nagsiling nga ang ila pagbulagay isa ka desisyon sang duha.
Suno kay Heaven, mabakod ang pundasyon sang ila relasyon bangud nag-umpisa sila bilang mag-abyan. “Before naging kami, we were good friends… iyon ‘yung foundation namin,” suno sa iya.
Pagkatapos sang ila pagbulagay, nagsiling man si Heaven nga malipayon na siya subong kag nagtutok sa iya bag-o nga proyekto nga I Love You Since 1892, sa diin gina-arte niya ang mga karakter nga sanday Carmela kag Carmelita.
Matandaan nga una nga nagkit-anay sanday Heaven kag Marco sa Pinoy Big Brother: Lucky 7 sadtong 2016.
Sang Nobyembre 2024, nangin mainit nga topiko ang ila relasyon pagkatapos nga nagbayluhanay sila sang “I love you” sa social media. Apang, ginpili nila nga huptan nga pribado ang ila kahimtangan sa relasyon sa mga binulan nga nagsunod.
Sa subong, nagasalig si Heaven sa suporta sang iya pamilya kag suod nga mga abyan para sa iya personal nga pag-move on.
