Helicopter nga may dala sang humanitarian assistance para sa mga biktima sang Bagyo Tino sa Agusan Del Sur, nagtibusok

Nagtibusok ang helicopter sang Philippine Air Force nga may dala kuntani sang humanitarian aid kag disaster response para sa mga naapektuhan sang Bagyo Tino sa bahin sang Loreto, Agusan del Sur subong nga adlaw.

Ini naman ang ginkumpirma sang Eastern Mindanao Command (EastMinCom).

Suno sa Armed Forces of the Philippines, ang nasambit nga helicopter ang kabahin sang ila madasig nga aksyon agud madul-ong sa gilayon ang bulig sa mga residente nga naapektuhan sang bagyo.

Sa subong, padayon sa gihapon ang rescue kag assessment operations sa lugar agud masiguro ang safety sang mga sakay kag mahatagan sang nagakaigo nga bulig.