Napatay si Major General Duong Somneang, ang kumander sang 7th Division sang Cambodia sa nagapadayon nga engkwentro sa tunga sang ila pwersa kag sang Thai side.
Napatay siya sa isa ka artillery strike sa Chong Ta Thao–Phu Ma Kua nga lugar sini sang Sabado, Hulyo 26, 2025.
Natabo ini sa tunga sang mabaskog nga pagbayluhanay sang firefighting para sa kontrol sa ila ginabaisan nga teritoryo.
Suno sa report, temprano pa nga nagsugod ang inaway, sa diin madinalag-on nga ginpalayas sang pwersa sang Thailand ang mga tropa sang Cambodia halin sa Phu Ma Kua.
Nagtinguha ang Cambodia sa pagkontra-atake, apang nagresulta ini sa madamo nga kaswalti, lakip si Major General Somneang.
Samtang, ginbasura naman sang United Nations Security Council (UNSC) ang petisyon sang Cambodia kag nagpanawagan sang direkta nga pag-istoryahanay sa tunga sang Cambodia kag Thailand.
Gin-akusahan sang Cambodia ang Thailand nga nag-umpisa sang inaway kag nag-file sang reklamo sa UNSC.
Mabaskog nga nagsabat ang Thailand kag nagpresentar sang ebidensya nga ang Cambodia ang una nga nag-atake.
Gin-akusahan man sang Thailand ang Cambodia sang posible nga krimen sa inaway, lakip na ang pag-atake sa mga sibilyan kag mga ospital.
Suno sa UNSC, ang inaway wala nagahatag sang internasyonal nga pamahog, gani mas maayo nga resolbahon ini paagi sa bilateral nga negosasyon.
