SA BASKETBALL- Sa labing una nga kahigayunan, nakuha sang Hercor College ang kampeonato sa Passerelle Division Championship of the 2019 Visayas Regional Finals of the 34th SBP Passerelle Twin Tournament sang Milo nga ginpatigayon sa Pototan Ilo-Ilo.
Ang Hercor College nagdaog batuk sa hubon sang Sacred Heart School-Ateneno de Cebu sa score nga 88-68 nga ginhiwat sa Pototan Astrodome.
Bangud sa kadalag-an magareprisentar ang Junior Jaguars para sa Visayas sa national finals nga patigayunon sa Nobyembre 23-24 sa Dinggoy Roxas Civic Center.
Magluwas diri, nagdaog man ang Hercor batuk sa hubon sang La Salle Bacolod kag St. Roberts International School sang Iloilo.
Mahibaluan nga ginlutos man sang La Salle Bacolod ang defending champion nga St. Roberts International Academy sa score nga 63-53.
Samtang, nakuha naman sang Hercor Jaguars ang Sportmanship Award.
CONGRATULATIONS! HERCOR COLLEGE (JUNIOR JAGUARS)
