Nakilala na ang bystander nga nagpugong kag nagkuha sang armas sang isa sa mga armado nga suspek sa pagpang-atake sa isa ka Hanukkah event sa Bondi Beach.
Siya amo si Ahmed al Ahmed, 43 anyos kag may duha ka mga kabataan.
Indi magnubo sa 15 ka tawo ang napatay.
Makit-an sa video ang lalaki nga ginliab ang isa sa mga gunman samtang nagapalupok ini sa mga tawo.
Gin-agaw ni Ahmed ang armas kag gintutok sa suspek.
Samtang may isa pa ka armado nga suspek nga nagapalupok nga yara sa taytay nahamtang.
Napilasan sa butkon kag kamot si Ahmed.
“He’s in hospital, and we don’t know exactly what’s going on inside,” suno kay Mustafa nga pakaisa ni Ahmed. “We do hope he will be fine. He’s a hero 100 percent.”
Si Ahmed ang taga-Sutherland Shire sa Sydney kay may negosyo nga prutas. Nasa Bondi Beach siya sang matabo ang pagpangluthang.
