Gin-anunsyar sang Palasyo sang Malacañang nga ikansela danay ang Heroes Parade ni Carlos Yulo kag sang iban pa nga Filipino Olympians subong nga adlaw kag pagaahimuon ini sa Miyerkules sang hapon.
Suno kay Chief of Presidential Protocol and Presidential Assistant on Foreign Affairs Reichel Quiñones, sa takna alas-6:00 sang gab-i na ang pag-abot sang mga atleta subong nga adlaw sa Villamor Airbase na masyado na ini nga gab-i para sa Heroes Parade.
Pagasugaton ang mga atleta sang mga tagsa kaa pamilya sini sa Villamor Airbase kag diretso nga magapadulong sa Malacañang para sa ginpreparar nga seremonya kag dinner ni Presidente Ferdinand Marcos Jr., First Lady Liza Araneta Marcos, kag sang First Family.
Sa nasambit nga seremonya, nagalaum nga igahatag ni Presidente Marcos ang Presidential citations sa tanan nga atleta kag mangin ang cash reward para sa mga nagpauli sang medalya.
Samtang, padayunon naman ang Heroes Parade sa adlaw sang Miyerkules nga kun sa diin magsugod ini sa Aliw Theater kag magatapos sa Rizal Memorial Sports Complex.
