Hezbollah, ginkumpirmar ang pagkapatay sang isa nila ka lider

Ginkumpirmar sang Hezbollah militant group nga napatay sang Israel ang isa sa ila mga lider nga si Hashem Safieddine.

Si Safieddine ang amu kun tani ang magabulos sa napatay nila nga lider nga si Hassan Nasrallah.

Natultulan sang Israel Defense Forces ang kuta ni Safieddine sa underground intelligence headquarters sang Hezbollah sa Beirut.

Wala pa ginpahayag sang Hezbollah kun sin-o ang masunod nga lider nga magabulos sa napatay nga si Safieddine.