PONTEVEDRA, CAPIZ- Narecover ang mga bala kag magazine sang ginpahayag high powered firearms nga nasulod sa isa ka bag sa isa ka uyapad sa Sitio Star Apple Brgy. Rizal, Pontevedra, Capiz.
Sa interview sang Bombo Radyo Erwin Borres, anay Sangguniang Bayan Member sang nasambit nga banwa, ginpahayag nga nakit-an sang mga mangunguma nga nagatrabaho sa ila nga uyapad ang amo nga mga pagkabutang nga nakasulod sa isa ka bag malapit sa porsyon nga ila ginatiptipan.
Dugang pa sini, ginpahibalo ini sya sang amo nga mga mangunguma nga kun sa diin siling sini sa iya nga may nakita sila nga mga pagkabutang rason nga nagpanawag man ini sya sang mga kapulisan agud chekyaron ang nasambit nga mga pagkabutang.
Nahibaluan nga sandig sa pagpangusisa sang mga kapulisan ang nasambit nga mga bala kag magazine iya sang M16 rifle kag M23.
Ginkakibot naman ni Borres ang pagkarekober sang amo nga mga bala kag magazine sa iya uyapad bangud madugay na suno ini nga gina-umhan sang iya nga pamilya.
Samtang, nagapati ini nga posible ginhaboy ukon ginlubong lamang ini sa lugar sang mga tawo nga nagapanag-iya sini kag ginpabayaan nalang.
Sa karon yara na ini sa paghinakop sang Pontevedra Municipal Police Station para sa nagakaigo nga disposisyon kag nagapadyon nagapadayon ang ila sini nga imbestigasyon may kaangtanan sa mga narekober nga pagkabutang.
