PRESIDENT ROXAS, CAPIZ – Nagapati ang pamilya sang isa ka mister nga wala sang foul play ang kamatayon sini matapos nasapwan nga duguon kag may igo sang bala sa iya ulo.
Matandaan nga ginbawian sang kabuhi ang 53-anyos nga mister sang ginpadulong sa Bailan District Hospital, kag residente sang Barangay Pantalan, President Roxas, Capiz.
Suno kay Police Major Rachelle Garnica, hepe sang President Roxas Municipal Police Station, nga sandig sa ila imbestigasyon may samad sa tuo nga porsyon sang iya ulo ang wala ginhingadlan nga mister sang nasapwan sa sulod sang iya hulot.
Narekober sa ginluntaran sang insidente ang .38 calibre nga armas luthang kag may 4 ka mga bala.
Nahibaluan nga ang biktima ang naga-supreher sang stage 4 gastric cancer kag ginapatihan ginluad na sang ospital kag may ara na sang taning sa iya kabuhi.
