Ginarekomenda sang Department of Health nga ideklara ang human immunodeficiency virus (HIV) bilang national public health emergency kasunod sang 500-percent increase sa numero sang kaso sa mga pamatan-on sa pungsod.
Suno kay DOH Secretary Teodoro Herbosa, ang pagtaas sang kaso sang HIV ang narekord sa mga indibidwal naga-edad 15 tubtob 25 anyos.
“In fact, ang pinakabatang na-diagnose natin ay dose anyos po sa probinsya ng Palawan,” pahayag niya.
Apisar nga wala man gin-mention ni Herbosa ang specific numbers may kaangtanan sa HIV infection sa mga pamatan-on, ginpahayag sini nga ang Pilipinas subong amo ang may pinakamataas nga numero sang bag-o nga HIV cases sa Western Pacific Region.
Sa latest HIV/AIDS Surveillance Report, nagapakita nga may yara sang 148,831 HIV cases nga narekord nationwide humalin sang tuig 1984 tubtob sang Marso subong nga tuig.
Kabug-osan nga 5,101 cases ang narekord sa first quarter subong nga tuig, mas mataas sa 3,409 nga narekord sang kaangay nga period sang nagligad nga tuig.
