Hollywood actor Richard Norton, nagtaliwan na

Nagtaliwan na ang Hollywood actor nga si Richard Norton sa edad nga 75-anyos.

Suno sa asawa sini nga si Judy Green, nagtaliwan ang actor sa ila nga balay sa Melbourne, Australia.

Wala na ginhinambitan pa sini ang nangin rason sang kamatayon sang actor.

Pila sa mga pelikula sini nga kalakip ang actor amu ang”Mad Max: Fury Road”, “ABBA”, “X-Men: Dark Phoenix” kag “Suicide Squad”.

Magluwas sa pagiging actor, isa man siya ka martial arts fighter kun sa diin ginhanas niya ang pila ka mga actor kasubong nanday Ben Affleck, Margot Robbie kag Scarlett Johansson.

Pila man sa mga artista ang nagpalab-ot sang ila nga pagpakig-unong kag kasubo kasubong sang beterano nga actor nga si Chuck Norris nga nag-post pa ini sang laragway nila nga duha.