Hollywood actress Priscilla Pointer nagtaliwan na, sa edad nga 100-anyos

Nagtaliwan na ang Hollywood actress nga si Priscilla Pointer sa edad nga 100- anyos.

Ini ang ginkumpirmar sang bata sang Oscar-nominated actress nga si Amy Irving ang pagtaliwan sang iya nga iloy.

Wala na sang iban pa nga detalye nga ginhatag ang aktres angut sa pagtaliwan sang iya iloy.

Si Irving nakapangasawa sa bantog nga direktor nga si Steven Spielberg sumugod 1985 tubtob 1989.

Ang aktres nga si Pointer una nga nagguwa sa pelikula nga “Carrie” sang 1976.

Ang pila sa mga pelikula nga iya gin-updan nagalakip sang “Honeysuckle Rose”, “Acts of Love” kag madamo pa.

Natawo sang Mayo 18, 1924, si Pointer nagtuon sang teatro kag nagpakita sa pila ka mga pasundayag sa Broadway.