Gin-ako ni Senator Risa Hontiveros nga isa ka dako nga pagpanghangkat kag masakit para sa Senado bilang institusyon ang pagtumod sa ila nga mga kaupdanan nga sanday Ronald Bato dela Rosa kag Christopher Bong Go bilang co-perpetrators sa imbestigasyon sang International Criminal Court (ICC) batuk kay anay President Rodrigo Duterte.
Suno kay Hontiveros, wala sila sang may mahimo kundi atubangon ang sitwasyon sang bug-os ang pagiging tampad. “Mahirap man at masakit man itong proseso, kailangan naming harapin ito nang buo at tama,” suno sa iya.
Gindugang pa sang senadora nga makasaysayan ang adlaw sang hearing bangud nga nagdungan ini sa anibersaryo sang EDSA People Power Revolution, nga nagalaragway sang padayon nga pagpahayag sang gahom sang mga pumuluyo.
