ROXAS CITY – Kumpyansa si House Deputy Speaker kag Capiz 2nd District Congressman Fredinil Castro nga madayon ang eleksyon sa masunod nga tuig.
Ini ang nangin pahayag ni Congressman Castro sang ma-interview sang Bombo Radyo Roxas.
Suno sa kongresista nga wala sang balasehan para ipaiway ang eleksyon sa masunod nga tuig, bangud klaro sa konsttusyon nga tagsa ka tatlo ka tuig may eleksyon para sa mga senador kag kongresista.
Apang kun ang estoryahan ang piniliay sang local government officials humalin sa gobernador panaug sa konsehal, mahimo ini nga mapaiway pinaagi sa pagpapasar sang laye sang kongreso para ma-amyendahan ang local government code.
Samtang nagpanindugan si Castro nga wala niya direkta nga nabatian sa mga kaupdanan sa kongreso ukon mangin sa iya partido nga National Unity Party (NUP) ang isyu nga pagpaiway sa 2019 midterm elections.
