Ginsiguro sang House Quad Committee nga padayon sang mga ini nga ginaduso ang hustisya para sa mga biktima sang madugo nga drug war sang Duterte administration.
Ang pahayag, kasunod sa pagsaulog sang All Souls’ Day sa pungsod kahapon, November 2, 2024.
“As we remember our departed loved ones on All Souls’ Day, we are reminded of the countless Filipino families who grieve the loss of loved ones taken too soon. Our commitment to justice is unwavering,” pahayag ni Sta Rosa,Laguna Rep. Dan Fernandez, co-chair sang Quad Comm kag chairman sang House Committee on Public Order and Safety.
Maluwas sa Committee Public Order and Safety, kaupod sa Quad Comm ang Committees on Dangerous Drugs, Human Rights, kag Public Accounts. Mandato sini nga imbestigahan ang extrajudicial killings, kalakalan sang iligal nga droga, operasyon sang iligal nga Philippine offshore gaming operators (POGO) kag paglapas sa kinamatarong sa pagpatuman sang Duterte drug war.
Base sa datos sang gobyerno masobra 6,000 ang napatay sa operasyon sang mga pulis halin 2016 tubtob 2021 pero malayo ini sa masobra 27,000 tubtob 30,000 nga mga kaso sang EJK, suno sa mga human rights advocates kag organization.
Sa pagdinig sang Quad Comm, ginkumpirmar ni retired P/Col. Royina Garma nga may nabaton nga reward ang mga pulis sa mga napatay nila nga drug suspect nga nagabalor sang P20,000 tubtob P1 milyon. Ginkumpirmar man sini ang Davao Death Squad, isa ka organisasyon nga yara na sa likod sang mga pagpatay sa mga drug suspect nga nag-operate sang si anay presidente Rodrigo Duterte ang alkalde sang syudad.
Sa testimonya naman ni anay Sen. Leila de Lima ang reward system sa Davao City ang ginapatuman ni Duterte sa bilog nga pungsod sang ini ang mangin Presidente.
Ini suno ang rason sang pagtaas sang numero sang mga kaso sang paglapas sa kinamatarong kag extrajudicial killings.
“The road to justice may be challenging, but the Quad Comm remains resolute in its duty. Our work is far from over, and we will not rest until we have brought the truth to light,” dugang pa sini.
Dugang pa ni Fernandez, “This is about more than just accountability, it is about restoring faith in our institutions and ensuring that no Filipino, regardless of their social or economic status, is ever denied justice.”
