Nakabawi sang isa pa ka kadalag-an ang Houston Rockets batok sa Golden State Warriors, agud makaabante sa Game 6.
Ginlabawan sang Rockets ang Warriors sang 15 puntos sa Game 5 nga ginpangunahan sang 1-time NBA champion nga si Fred Van Vleet nga naka-score sang 26 puntos samtang ang forward nga si Amen Thompson nag-amot sang 25 puntos.
Ang tandem nanday Jimmy Butler kag Stephen Curry wala makaluwas sa Golden State, kundi ginlimitahan ang score sang duha sa 21 puntos lamang. Si Curry naka-iskor sang 13 puntos samtang si Butler naka-iskor sang walo.
Sa katapusan, ang Houston nakapadayon sang 15 puntos nga bentaha kag ginpauntat ang pagbalik sang Golden State sa ika-4 nga quarter, 131 – 116.
Ang serye ang magabalik sa Chase Center, nga nagaserbe nga home court sang Warriors para sa ika-anum nga showdown sa tunga sang duha ka teams.
