Houthi group, naghiwat sang military operations sa Red kag Arabian Sea

Ginbuyagyag sang Houthi group sa Yemen nga naghiwat ang mga ini sang military operations sa Red kag Arabian seas.

Ginpahayag ni Houthi military spokesperson Yahya Saree nga gintarget sang grupo ang US aircraft carrier nga USS Abraham Lincoln sa Arabian Sea.

Naggamit suno sila sang mga cruise missiles kag drones sa pag-atake sa Arabian Sea.

Sa pihak nga operasyon, gintarget sang mga ini ang duha ka American destroyers nga yara sa Red Sea gamit ang ballistic missiles kag drones.

Ang nasambit nga operasyon ang indi mag-untat tubtob indi mag-untat ang US sa pagsuporta sa Israel kag tubtob indi matapos ang giyera sa Gaza kag Lebanon.