Houthi rebels, ginhilway ang bihag nga mga crew sang MV Galaxy Leader kalakip ang 17 ka Pinoy seafarers

Ginhilway na sang Houthi rebels sang Yemen ang mga bihag nila nga crew sang MV Galaxy Leader.

Ginbihag ang nasambit nga barko sumugod pa sadtong Nobyembre 2023 sang ila ginsuguran ang pagpang-atake sa mga barko nga nagaagi sa Red Sea.

Kalakip sa mga crew sang amu nga barko ang 17 ka Filipino seafarers.

Ang nasambit nga tikang kasunod sang ginpatuman nga ceasefire sa tunga sang Hamas kag Israel.

Suno sa Houthi rebels nga masarangan nila nga ipatuman ang paghilway sang mga seafarers bangud man sa ginpatigayon nga pakighinun-anon sang mga mediators nga ginpangunahan sang Oman.