-- ADVERTISEMENT --
ROXAS CITY – Wala sang naangkon nga samad ang driver sang Toyota Corolla nga salakyan matapos aksidente nga nahapit ang streetlight sa Arnaldo Boulevard, Barangay Baybay, sining syudad kagab-i.
Ginkilala ang driver sang salakyan nga si Rosendo Jimenea IV 37-anyos sang Barangay Blasco, Pilar, Capiz.
Sandig sa imbestigasyon sang Roxas City PNP nga ginasubay ni Jimenea ang dalanon gikan sa Baybay area padulong na sa syudad sang madulaan ini sang kontrol kag aksidente nahapit ang streetlight malapit sa isa ka hotel.
Magluwas diri gin-arado pa ni Jimenea ang tanum nga Palma nga nahamtang sa center aisle.
Nahibaluan nga yara sa impluwesiya sag makahulubog nga ilimnon ang driver sang nagluntad ang insedente.
-- ADVERTISEMENT --
