Lalaki nga naglangoy sa suba, nalumos patay

ROXAS CITY – Patay ang isa ka lalaki matapos ginaalegar nalumos sa suba sa Barangay Bungsi Mambusao, Capiz kaina sang aga.

Ginkilala ang biktima nga si Jimmy Lauño 35-anyos sang nasambit nga lugar.

Ginpahayag ni Jobert Lauño pakaisa sang biktima nga antes nasapwan ang bangkay ni Jimmy nga nagalutaw sa suba nag-inum inum pa ini kagab-i.

Apang naglangoy ini pauli kag posible wala masarangan ang mabaskog nga ilig sang tubig sa suba kag ini ang gin-anod tobtob nalumos.

Suno kay Jobert nga ila pa ginlurop kag gingamitan sang lambat ang pakaisa antes ini naglutaw sa tubig.