Hurricane Beryl, nagresulta sang tuman nga halit sa Jamaica

ROXAS CITY – Pila ka libo nga mga residente sang Jamaica ang nadulaan sang suplay sang kuryente bangud sa paglaslas sang hurricane Beryl.

Ginakabig nga ang category four nga bagyo amu ang pinakamabaskog nga nag-igo sa pungsod.

Nagdala sang tuman nga pag-inulan sa pungsod nga naglab-ot sa 12 ka oras kag nagresulta ini sang pagbinaha.

Ginkakas na nila ang hurricane warning kag gin-islan na lamang sang flash flood watch.

Sa karon, naghina na ang hurricane kag nangin category 3 storm na lamang ini. Yara naman sa 12 ka mga katao ang napatay sa pag-igo sang hurricane Beryl sa Caribbean.